غور کې ۲ تنه د نشه یي توکو قاچاق په تور نیول شوي

د غور د امنیې قوماندانۍ ویاند عبدالرحمن بدري وايي، د دغه ولایت په پسابند ولسوالۍ کې ۲ تنه د نشه یي توکو د قاچاق په تور نیول شوي دي.

بدري زیاته کړې،چې امنیتي ځواکونو یې په پسابند ولسوالۍ کې ۲ تنه له  ۲۲۰ کیلو ګرامه چرسو سره نیولي،چې غوښتل یې هلمند او کندهار ولایتونو ته یې قاچاق کړي.

د بدري په خبره، نیول شوي کسان اوس مهال ترڅېړنو لاندې دي، چې وروسته به یې دوسیې عدلي او قضایي ارګانونو ته وسپارل شي.