په افغانستان کې د اروپایي ټولنې شارژدافیرې رافیلا یودیجه د اقتصاد له سرپرست دین محمد حنیف سره په کتنه کې د نجونو او ښځو د زده کړو او کار پر وړاندې د شته محدودیتونو د لرې کېدو غوښتنه کړې ده.
د یاد وزارت له لوري په خپره شوې خبرپاڼه کې ویل شوي، چې سرپرست وزیر د خبرو له لارې د افغانستان د ستونزو پر حل ټینګار کړی او ویلي یې دي، چې پر پر اسلامي امارت فشارونه بې پایلې دي.
د خبرپاڼې د مالوماتو له مخې، د اقتصاد وزارت سرپرست دغه کنته کې ټينګار کړی، چې بشري مرستې نه شي کولی په اوږدمهال کې د خلکو ستونزې حل کړي او دا مرستې باید په پراختیايي او زېربنايي برخو کې ولګولی شي.
په دې کتنه کې یودیچه له اسلامي امارت غوښتي، چې د نجونو او ښځو د زده کړو او کار په برخه کې شته ستونزې حل کړي.
