چارواکي: کندز کې د کبانو روزنې فارمونه زیات شوي 

د کندز ولایت د کرنې او مالدارۍ ریاست مسوولین وایي، په وروستیو کې په دغه ولایت کې د کبانو روزنې فارمونه زیات شوي او هڅه کوي د کبانو صنعت ته نوره هم وده ورکړي.

د مسوولینو په خبره، کندز کې دا مهال د کبانو روزنې څه باندې ۳۰۰ فارمونه فعال دي، چې هرکال  ۱۰ ټنه غوښه تولیدوي.

دغه ولایت کې د کبانو فارم لرونکي بیا له دولت او مرستندویه موسسو څخه په دې برخه کې د ملاتړ غوښتنه کوي.