د ریاست الوزرا اقتصادي معاونیت: کابل کې نږدې ۲۶ زره سوالګر راټول کړای شوي

د ریاست الوزرا اقتصادي معاونیت په خبره، د سوالګرو راټولولو کمېټې د روان لمریز کال د دلوې میاشتې تر ۳ مې نېټې پورې د کابل ښار له بېلابېلو سیمو ۲۶زره او ۳۹۰ سوالګر راټول کړي دي.

د سوالګرو راټولولو کمېټه وایي، په راټولو شویو سوالګرو کې ۱۱ زره ۸۸۸ ښځې، ۳۳۶۳ نارینه او پاتې ۱۱ زره ۱۳۹ یې ماشومان دي.

د مسوولینو په خبره، په راټولو شویو سوالګرو کې له مستحقو هغو سره یې د ا. ا له لورې دوامداره نغدي مرسته کېږي او بې سرپرسته سوالګر ماشومان له بایومټریک وروسته د کار او ټولنیزو چارو وزارت له لورې روزنتون ته داخلېږي چې د اعاشې سربېره به ورته د زده کړو زمینه هم برابره شي.