حسن کاظمي قُمي په رسمي ډول کابل کې د ایران سفیر په توګه خپله دنده پیل کړه

په کابل کې د ایران سفارت پر خپله ټویټر پاڼه لیکلي، د افغانستان لپاره د ایران ځانګړی استازی حسن کاظمي قُمي چې په افغانستان  کې د ایران د سفیر په توګه ټاکل شوی و، رسماً خپله دنده پیل کړه.

د راپورونو له مخې، قُمي به افغانستان کې د ایران د سفیر ترڅنګ د دغه هېواد د ولسمشر د ځانګړي استازي دنده هم پر غاړه ولري.

د بهادر امنیان د دندې له پای ته رسېدو وروسته ایران حسن کاظمي قُمي د افغانستان لپاره د ایران د سفیر په توګه ټاکلی دی.