زابل کې ګڼ ماشومان په موسمي ناروغیو اخته شوي

 د زابل ولایت شينکۍ ولسوالۍ په روغاني، تسليم زو، قلندر خېلو او ساقي کليو کې سلګونه کسان په نومنیا، تورې غاړې او انفلونزا ناروغیو اخته شوي دي.

د یاد ولایت عامې روغتیا ریاست مسوولین وایي، که څه هم واورې لارې بندې کړې، خو هڅه کوي چې سیمې ته په بېړني ډول روغتیايي ټیمونه ولېږي.

د راپورونو له مخې،  په دې وروستیو کې د ککړې هوا او کمزوري اقتصاد له امله د هېواد ګڼ ماشومان په ژمنیو ناروغیو اخته شوي دي.