امریکا تېر کال د افغان کډوالو لپاره له پاکستان سره ۶۰ میلیونه ډالر مرسته کړې

په اسلام اباد کې د امریکا سفارت ویلي، په تېر۲۰۲۲ مالي کال کې یې د افغان کډوالوستونزو حل په موخه له پاکستان سره ۶۰ میلیونه ډالرمرسته کړې ده. 

د یاد سفارت له لورې په خپره شوې خبرپاڼه کې د امریکا سفیر ډونالډ بلوم له قوله ویل شوي، امريکا له ٢٠٠٢ کال راهیسي پاکستان سره د افغان کډوالو د لاسنیوي او ستونزو حل په موخه ٢٧٣

ميليونه ډالر مرسته کړې ده. 

د دغو مرستو زیاته برخه یې په خیبر پښتونخوا او بلوچستان ایالتونو کې د روغتیا او پوهنې په برخو کې له افغانانو سره شوې دي.