پکتیکا کې د ۸.۸ میلیونه افغانیو په لګښت د ۱۱ ښوونځيو ودانۍ بیا ورغول شوې

د پکتيکا د پوهنې رياست مسوولین وایي، د دغه ولایت په ۱۲ ولسوالیو کې د ۸.۸ میلیونو افغانیو په لګښت د ۱۱ ښوونځيو ودانۍ بیا رغول شوې دي.

د یاد ولایت چارواکو په خبره، دغه ښوونځي ۸۹ ټولګي او ۱۲ تشنابونه لري، چې د ملګرو ملتونو د ماشومانو د ملاتړ صندوق (یونېسف) په مالي ملاتړ رغول شوي دي.

د سیمه ییزو چارواکو په وینا، په دغه ښوونځيو کې ۵۶۰۰ زده کوونکي په زده کړو بوخت دي.