Skip to content
د روڼتيا نړيوال سازمان موندنې ښیې،چې افغانستان لاهم د نړۍ د اوو مفسدو هېوادونو له په نوملړ کې ځای لري.
ياد سازمان د نړې د ۱۸۰ هېوادونو لیست خپور کړی دی،چې افغانستان په کې اووم ځاې لري.
د روڼتيا نړيوال سازمان د راپور یوه برخه:«د نړۍ په ۱۸۰ هېواونو کې افغانستان د فساد په کچه اووم هېواد دی. سويلي سوډان د دې لیست په سر کې دی او په ادارې فساد کې لومړی ځای لري. ډنمارک بیا د نړۍ پر کچه له فساد پاک هېواد دی.»
د سیاسي چارو یو شمېر تحلیل کوونکي بیا د فساد پرضد شوې مبارزه ناکامه بولي او زیاتوي،چې تر اوسه پورې دولتي ادارې له فساد نه دې پاکې شوي.
دوی د فساد د مخنيوي لپاره د حکومت په اډانه کې د بې پرې ادارې رامنځته کول اوسنۍ اړتيا يادوي، تر څو وکولی شي، د هغو خلکو پر وړاندې جدي اقدام او څار وکړي،چې په فساد کې ښکيل دي.
د اسلامي امارت مرستیال ویاند بلال کریمي بیا د روڼيتا نړیوال سازمان ارزونې ناسمي او له واقيعته لري بللي دي.
کریمي له شمشاد سره په خبرو کې ويلي،په ټولو ادارو کې د فساد مخنیوی شوی او په ادارو کې یې ژور اصلاحات راوستي دي.
هغه زیاته کړې:« اوس په افغانستان کې امنيت سوله او ثبات راغلی دی او د فساد په نوم شومه پدیده په هېواد کې له منځه وړل شوې ده. البته په کوم ځا\ی کې چې شواهد او اسناد شتون ولري،د مخنيوي لپاره یې هڅې روانې دي او عاملين يې تعقيب کيږي. متاسفانه اداري فساد د اشغال تر چتر لاندې تیره اداره کې جرړې کړې وې. په هېواد کې د اسلامي نظام په راتګ سره د دې شومې پدیدې مخه نيول شوې ده او په ټولو ادارو کې روڼتيا رامنځته شوې ده او د فساد په اړه شوې ادعاوې ناسمي او پروپاګند دي.»
د روڼتيا نړيوال سازمان د تیر کال د موندنو په پرتله سږ کال افغانستان د روڼیتا په لور درې قدمه مخکې تللی.
تمې دادي،که د فساد پر ضد جدي مبارزه وشي، لیرې نه ده،چې افغانستان د مفسدو هېوادونو له لیسته ووځې.
