د راپور یوه برخه:« ۲۰۲۱ زېږدیز کال له اکټوبر میاشتې څخه د ۲۰۲۲ کال د جون میاشتې پورې د کورنۍ سرپرستانو ترمنځ د کار کچه اووه سلنه زیاته شوې،خو په دولتي سکتور کې لا هم د کار اندازه کمه شوې،چې خو بدبختانه ډېری ځوانانو ته د کار زمینه نه پيدا کېږي.»
د افغانستان لپاره د نړیوال بانک دفتر م شرې ملینډا کوډ زیاتې کورنۍ له اقتصادي ننګونو سره مخ بللي او وايي، که حالت داسې روان وي،د افغانانو د ژوند هوساینه به نوره هم له ګواښ سره مخ شي.
کوډ زیاته کړه:« ډېری افغانې کورنۍ له لویو اقتصادي ستونزو سره مخ دي، زده کړو ته لاسرسی او په ځانګړي توګه نجونو ته محدود شوی دی،چې دا خواشینې کوونکې ده. سرپرست حکومت باید د معیشت، خوړو او لومړنیو روغتیايي خدمتونو خوندیتوب لپاره کوټلي ګامونه واخلي. که حالت همداشان روان وي، د افغانانو هوساینه له جدي ګواښ سره مخ کېږي.»
