ځینې نور بیا وايي،د امریکا تصمیم دادی،چې له اقتصادي پلوه افغانستان پر خپلو پښو ودریږي او پر بهرنیو مرستو یې اتکا کمه شي، خو دا هرڅه به د افغانستان د نوي نظام د رسمیت پیژندنې په مانا نه وي.
د سیاسي چارو شنونکی طارق فرهادي وايي:« د امریکا تصمیم دادی،چې له اقتصادي پلوه افغانستان پر خپلو پښو ودریږي،خو دا په دې مانا نه ده،چې حکومت به یې پر رسمیت وپیژني، یوازېغواړي افغانستان بهرنیو مرستو ته کمه اړتیا ولري.»
په دې وروستیو کې د امریکا او افغان چارواکو ترمنځ د لوړې امنیتي کچې لیدنې شوي، کارپوهان په دې باور دي،چې دغه لیدنې به د دواړو هېوادونو اړیکې نورې هم سره نږدې کړي او امریکا به له افغانستان سره خپلو اقتصادي مرستو ته دوام ورکړي.
د سیاسي چارو کارپوه سید بلال فاطمي وايي:« لیدنې کتنې ډېرې زیاتې دي، پایلې به یې راوځي. د اسلامي امارت او امریکا ترمنځ به ځینې اړیکې جوړیږي،خو ایا دا اړیکې به د دې لامل شي،چې افغانستان پر رسمیت وپیژني؟ خو فکر نه کوم،چې افغانستان به پر رسمیت وپيژني. دا به اړیکې نورې هم سره نږدې کړي او د امریکا اقتصادي مرستې به دوام لري.»
په ټوله کې غوښتنه داده،چې د امریکا پر مشرۍ نړیواله ټولنه باید د افغانستان نوی حکومت پر رسمت وپیژني او ۴۰ میلیونه افغان ولس د اقتصادي او بشري بحران له ګواښه وژغوري.
