پاکستان چې له ترهګرو ډلو سره د مالیي مرستو له امله کلونه په خړ لیست کې شامل وه او تور لیست ته د داخلیدو فرصت یې هم زیات و، له ترهګرۍ سره د مالي مرستو مخنیوي نړیوالې ادارې له خړ لېست واېست.
د یادې ادارې یو مشر پاریس کې ویلي، پاکستان د دوی په نږدې ۳۵ سپارښتنو ښه عمل کړی دی.
اخوا د سیاسي چارو کارپوهان بیا دغه پرېکړه عجولانه بولي او وایي، د نړیوالو دا اقدام پرته له کوم غور شوی.
د دوی پر وینا ملګرو ملتونو سازمان او ځینو زبرځواکو هېوادونو کوښښ کړی،چې د ترهګرو دغه ځاله هېواد چې په لسهاو زره د تروروستي ډلو روزلو مرکزونه په کې فعال دي، له خړ لیست اېستلی دی.
د سیاسي چارو کارپوه احمدخان اندړ وايي:« نو له دې مالومیږي،چې زبرځواکونه او د ملګرو ملتونو سازمان د خپلو سیاسي اهدافو لپاره خړ،تور او سپین لیستونه یې جوړ کړي دي. کله چې ضروت وي،هغه هېواد په کې لیکي او کله چې ضرورت یې پوره شي لرې کوي یې. د ولس او ملت ستونزو ته نه ګوري او د حکومتونو ظلم او کړن لارې ته توجو نه کوي.»
افغانستان کې د اسلامي امارت له واک ته رسېدو وروسته پاکستان هڅې پیل کړي،چې له امریکا سره خپل روابط قوي کړي.
امریکا ته د پاکستان د پوځ مشر ورتګ هم د همدې لپاره وه،چې د پاکستان په تړاو د امریکا او نړیوالو منفي لید لوری بدل کړي.
د کارپوهانو پر وینا پاکستان هڅه کړې،چې نړیوالو ته افغانستان د ترهګرۍ پالونکي هېواد په توګه معرفي کړي.
د سیاسي چارو کارپوه محمد رادمنیش وايي:« متاسفانه ترورستي ډلې د پاکستان د ستراتیژﺉ او دسیسې له مخې افغانستان ته راوښتي دي او دلته یې ځای نیولی دی. د پاکستان مشرانو هم نړیوالو ته مالومات ورکړي،خپل هېواد ته یې هغه شرایط برابر کړي،چې له خړ لیست یې وباسي او افغانستان ته یې بدنامي اړولې ده.»
اسلامي امارت تراوسه له ترهګرۍ سره د مالي مرستو مخنیوي نړیوالې ادارې د هغه اقدام په تړاو تبصره نه ده کړې،چې پاکستان یې له خړ لیست اېستلی دی، خو په ټولنیزو رسنیو کې غبرګونونه منفي دي.
د سیاسي چارو کارپوه طارق فرهادي په دې باور دی،چې نړیوالو د پاکستان په حق سمه پرېکړه نه ده کړې او په دې سره به افغانستان نور هم زیان وویني.
فرهادي زیاته کړې:« یوتخنیکي بانکي لیست وه،چې زیات موارد یې درلودل،هغه پاکستان جوړ کړی دی او داچې له امریکا سره یې روابط ښه کړي او امریکا په هغې کمېټې تاثیر لري چې پاکستان یې له خړ لیست اېستلی دی.»
کارپوهان وایي، افغانستان باید له امریکا او نړیوالې ټولنې سره خپل روابط ښه کړي او هغه اندېښنې چې سیمه او نړۍ یې د ترهګرۍ له اړخه لري قانع کوونکی ځواب ورکړي.
