د نړۍ په نیمایي هېوادونو کې دمګړۍ د حکومتونو له ضد اعتراضونو نیولې تر جګړو او سیاسي بې ثباتیو سلګونه میلیونه خلک اغیزمن کړي،چې دا ځل ترې اروپایان هم خوندي نه دي.
د راپور یوه برخه:« د نړۍ په ۱۱۱ هېوادونو کې ۱.۲ میلیارده خلک له څو اړخونو بې وزلۍ سره مخ دي،چې نیمایي له ۱۸ کلونو کم عمره ماشومان دي. د دغو کسانو ډېر شمېر په افریقا او ختیځې آسیا کې دی.»
ملګري ملتونه که څه هم ډېر اغیزمن شوي،خلک د تل په څېر د افریقا او آسیا یادوي،خو دا ځل ترې اروپا هم خوندي نه ده او د دغې لویې وچې خلک یې له بې سارو حالتونو سره مخ کړي دي.
بریتانیا کې سیاسي بې ثباتي او فرانسه کې د زیړ واسکټو لاریونونه هغه حالتونه دي،چې تر شا یې د مالیو لوړوالی، د توکو بیو لوړوالی، ورځنی سخت ژوند او د تېلو کمښت پراته دي.
په تېرو شلو کلونو کې دا لومړی ځل دی،چې د اروپا یورو د ډالرو په بیه پلورل کېږي.
ختیځې اروپا او منځنۍ اسیا کې د یونیسف مشر افشان خان وايي:« که موږ همدا اوس له دغو ماشومانو او کورنیو سره مرستې ونه کړو، د ماشومانو بې وزلۍ برخه کې روان زیاتوالی به د خلکو ژوند، زده کړې او راتلونکې له منځه یوسي.»
له دغو ناورینونو د امریکا خلک هم خوندي نه دي،چې له سعودي عربستان سره د د دغه هېواد تازه ناندرۍ یې لویه بیلګه ده.
د تېلو کمښت له بحران د مخنیوي لپاره امریکا په عربي نړۍ کې له خپل ستر متحد سعودي عربستان سره هم دوه اړخیزې اړیکې په نري تار تړلي دي.
د امریکا ولسمشر جوبایډن ویلي:« له روسیې سره د سعودي عربستان یو ځای کېدل او په ګډه د تیلو استخراج کې کموالی راوستل به بدې پایلې ولري. د تیلو استخراج کوونکو هېوادونو سازمان دغه پریکړه د امریکا د هغه پلان سره په ټکر کې ده،چې غواړي د اوکراین له امله پر مسکو بندیزونه ولګوي.»
