Skip to content
د کابل په لویدیځ کې د جمعې پر ورځ د « ۱۴۰۱ کال د تلې پر ۸ مه» د کاج په نوم ښوونیز مرکز کې ځانمرګی برید وشو.
پر یاد ښوونيز مرکز کې برید هغه وخت رامنځته شو،چې زده کوونکي په کې د ازمايښتي کانکور د ازموينې ورکولو په موخه ورغلي ول.
عيني شاهدان وايي،بريدګر لومړی د ياد ښوونیز مرکز ساتونکي ووژل او وروسته یې د ازموینې ښځینه ټولګي یا تالار ته ننوت او وچاودنه را منځته شوه.
د پېښې یو تن عیني شاهد وايي:« بریدګر ساتونکو سره نښته کړې،وورسته بیا ټولګي ته ننوتلی او هلته یې ځان ته چاودنه ورکړې ده.»
د پېښې یو بل عیني شاهد بیا وايي:« لومړی ډزې وشوې. نجونو هلکانو ته وویل،چې ارامه اوسئ،کومه خبره نه ده خو ورپسې زما د خویندو او نورو نجونو منځ کې چاودنه وشوه، چت را پرېوت او موږ ټولو وځغستل.»
د بريد قربانيانو زيات شمیر ښځينه زده کوونکي دي،چې د پيښې له ځایه جسدونه او ټپیان جناح او وطن روغتون ته وړل شوې دي.
د پیښې قربانيانو کورنۍ د خپلو اولادونو د شتون او نشتون د تائيد ولو لپاره په ویر د هغو ليستونو انتظار کاوه، د جناح روغتون لومړۍ دروازې کې ځړول کيږي.
د کورنيو چارو وزارت ویاند عبدالنافع ټکور پر کاج ښونیز مرکز زده کوونکو برید منلی او د لسګونو تنو د مرګ ژوبلې خبره کوي.
ټکور زیاتوي:« په برید کې ۱۹ کسانو خپل ژوند له لاسه ورکړی دی او همدارنګه ۲۷ نور ټپيان دي.»
اخوا د برید د قربانیانو کورنیو ادعا کړې،چې د اسلامي امارت ځواکونو له لوري ورسره د روغتونونو مخې ته بد چلن هم شوی دی.
د یادونې وړ ده، چې تېره جمعه د وزیر محمد اکبر خان جومات مخې ته چاودنه وشوه،چې له امله یې لسګونه لمونځ کوونکو ته مرګ ژوبله واړوله.
