امیري زیاته کړې:« ټولګډونه حکومتولي، بشري حقونه او په ځانګړي ډول د ښځو زده کړو او کار حقونه د افغانستان له سرپرست حکومت سره د اړیکو د عادي کېدو کلي ده.»
اسلامي امارت بیا د افغان شموله حکومت د رامنځته کیدو په تړاو له وړاندې ویلي،چې په اوسني حکومت کې ټول افغانان ونډه لري او د تیر حکومت سلګونه زره مامورین پر کار بوخت دي.
د سیاسي چارو شنونکي په دې باور دي،چې په اوسنیو شرایطو کې داسې یوه حکومت ته اړتیا ده،چې ټول افغان ولس په کې ځان وګوري او هغه څه چې ولسونه یې غواړي باید حکومت یې ترسره کړي.
د سیاسي چارو شنونکی بلال فاطمي وايي:« داسې یو حکومت چې هغه همه شمول وي او په هغه کې ټول ملت ځان وګوري او ولس ترې راضي وي اړتیا ده،ځکه اوس چې څه دي، د هېلو خلاف روان دي.»
معارج زیاته کړه:« داسې ښکاري،چې امریکا په دې لټه کې ده،چې پر طالبانو فشار راوړي او د دوحې تړون بشپړ کړي. د دوحې په تړون کې د ایتلافي حکومت مسله هم مطرح ده، د بیان ازادي، بشر حقوق او د ښځو زده کړو او دندو مسله هم مطرح شوې.»
له هغې وروسته،چې اسلامي امارت په دولتي ادارو کې د ښځو پر کار او له شپږم ټولګي پورته د نجونو پر زده کړو بندیز ولګاوه،د نړۍ او کابل ترمنځ واټن نور هم زیات شو او د افغانستان د رسمیت پیژندنې او سیاسي اړیکو مسله نور هم شاته ولوېده.
