امنیت شورا د هرات په ګازرګاه جومات کې د چاودنې پر ضد  غبرګون وښود

د ملګرو ملتونو امنیت شورا ویلي،په افغانستان کې د ملکي وګړو پر وړاندې بریدونه زیات شوي او په ځانګړې توګه دغه بریدونه د مذهبي لږکیو پر وړاندې زیات شوي دي.

د ملګروملتونو امنیت شورا زیاته کړې،چې هېوادونه باید د نړیوالو قوانینو پر بنسټ د سولې او امنیت پر وړاندې له ګواښونو سره مبارزه وکړي.

امنیت شورا وروسته له هغې د ملکي وګړو پر وژلو اندیښنه څرګنده کړې،چې د تیرې جمعې پر ورځ د هرات په ګازرګاه جومات کې پر دیني عالم، مجیب الرحمن انصاري برید وشو،چې د هغه پر ګډون په کې لسګونه کسانو ته مرګ ژوبله واوښته.