امنیت شورا نن د ا.ا.ا د ۱۳ غړو سفرونو بندیز په اړه پرېکړه کوي

ویل کیږي،چې د ملګروملتونو د امنیت شورا له لوري به نن څرګنده شي چې د ا.ا.ا چارواکو بهرنیو هېوادونو ته د سفر معافیت غځیږي او که پای ته رسیږي.

راپورونه وايي،د دغې موضوع په تړاو د امنیت شورا د غړو هېوادونو ترمنځ هم اختلاف موجود دي.

امریکا، فرانسه او بریټانیا،چې د امنیت شورا دایمي غړي دي،غواړي چې د اسلامي امارت پر مشرانو سفرونه محدود شي.

اخوا روسیه او چین بیا د معافیت د غځیدو غوښتنه لري او یاد هېوادونه هم د امنیت شورا دایمي غړي دي.

امریکا بیا د دې غوښتوونکې ده،چې له ۱۳ کسانو پر اووه کسانو یې د سفر بندیز ولګول شي او پاتې نورو ته یې یوازې قطر ته د سفر اجازه ورکړل شي.

دغه بندیز هم باید تر ۹۰ ورځو وي،چې تر اوسه پورې یې پریکړۍ وروستۍ شوې نه ده.