د کابل- کندهار پر لویه لاره د ټرافیکي پېښې له امله ۵ کسانو ته مرګ ژوبله اوښتې

راپورونه وايي،د کابل – کندهار پر لویه لاره د میدان وردګو ولایت په سید اباد ولسوالۍ کې ټرافیکي پېښه شوې،چې له امله یوه ښځه مړه او څلور نور ژوبل شوي دي.  

پیښه وروسته له هغې رامنځ ته شوې،چې په زرني سیمه کې یو کرولا ډوله موټر اوښتی دی.

د موټر اوښتو لامل د موټر چلوونکي بې غوري ښودلې شوې ده.

په دې وروستیو کې د هېواد په بېلابېلو سیمو کې او ډېری مهال په لویو لارو کې د ټرافیکي پیښو کچه ډېره لوړه شوې ده.