Skip to content
په افغانستان کې د ملګرو ملتونو سیاسي استازولۍ (یوناما) افغانستان کې د اسلامي امارت د لومړیو ۱۰ میاشتو په اړه راپور خپور کړی دی.
یوناما په خپل راپور کې، افغانستان کې د بشري وضعیت په تړاو اندېښنه ښودلې او ویلي یې دي،چې په افغغانستان کې د اسلامي امارت له واکمنیدو سره د بشر حقونه تر پښو لاندې شوي دي.
د یونا ما سرپرست مشر مارکس پوتزل ویلي، په دې وروستیو کې په وسله وال تاوتریخوالي کې د پام وړ کمښت راغلی،خو له دې سره سره د قومي او مذهبي لږکیو پر وړاندې تاوتریخوالی روان دی او له ښځو یې خپل حقونه اخېستل شوي دي.
پوتزل ویلي، زده کړې د ټول بشر اساسي حق دی او د ټولنو د پرمختګ لامل کیږي.
د پوتزل په خبره، د ښځو او نجونو په کور کېنول به د دوی مرستې را کمې او له اسلامي امارت یې غوښتي،چې نجونې دې له دې حق محرومې نه کړي.
هغه زیاته کړې:« د نجونو زده کړې یوه مهم موضوع ده،چې یوناما خپل نظر حاکمو چارواکو ته واضيح کړی دی، د ټولنې په ټولو برخو کې د ښځو ګډون یو اساس دی او د یوه هېواد په ډول د افغانستان د پرمختګ لپاره اړین دی. په کور د ښځو او نجونو کېنول دوی له خپلو اساسي حقونو او خپل سهم چې افغانستان کې لري،له هغې محرموي.»
یوناما د وروستي امنیتي وضعیت په اړه خوښي ښودلې،خو وایي،له دې سره سره په عامه ځایونو کې د بریدونو له امله له ۲ زره زیاتو کسانو ته مرګ ژوبله اوښتې ده.
د یوناما د بشري حقونو څانکې مشره فیونا فریزر وايي:« د تېر کال د اګست میاشتې له نمایي وروسته تر ۲۰۲۲زېږدیز کال د جون میاشتې تر نمایي پورې یوناما د ۲۱۰۶ کسانو مرګ ژوبله ثبت کړې ده. له دې ډلې ۷۰۰ کسان وژل شوي، ۱۴۰۶ نور ټپیان شوي،چې ډېری یې د عراق او شام په نوم ځان معرفي کونکې ډلې ته د منسوبې خراساني څانګې لخوا په هدفي بریدونو کې په نښه شوي دي.»
فریزر د افغانستان اسلامي امارت د بشر حقونو په نقض تورنوي او وایي، د امربالمعروف وزارت او د استخباراتو رایست په دې برخه کې ډېر ښکیل دي.
هغې زیاته کړې:«یوناما په ځانګړې توګه د بشر حقونو د نقض په برخه کې د دوه ادارو لاسوهنو ته ډېره اندېښنه لري،چې یو یې د امربالمعروف وزارت دی او بل هم د استخباراتو ریاست او په ځانګړې توګه دوی ته په دغه راپور کې اشاره شوي ده.»
خو د افغانستان اسلامي امارات ویاند ذبیح الله مجاهد بیا د یوناما دغه راپور ته غبرګون ښودلی او دا یې بې اساسه بللی دی.
هغه زیاته کړې:«په افغانستان کې د بشري حقوقو په نامه د یوناما راپور حقیقت نه لري. په هېواد کې هېڅ ډول خپل سرې وژنو او نیونو ته اجازه نه شته دی. که څوک په خپل سري ډول وژنې او یا نیونې وکړي،پخپله مجرم ګڼل کیږي او له شرعي قانون سره به مخ کیږي. په دې مورد د یوناما راپور حقیقت نه لري، بلکې پروپاګند دی.»
یوناما ویلي،چې د افغانستان اسلامې امارت ځواکونو په لسګونه خبریالان نیولي او وهلي ډبولي دي.
یوناما همدراز ویليو ګڼ شمیر وګړي د اسلامي دولتي نومې ډلې یا داعش سره د لاس لرو په تور نیولي شوي او وژل شوي دي،خو اسلامې امارت بیا دغه ادعاوې بې بنسټه بولي.
