امریکا له سعودي عربستان سره پر ګډه  د ترهګرۍ ضد جبهه پرانیزي

نږدې یوکال پوره کېږي،چې افغانستان له یوې خونړۍ جګړې راوتلی،خو د نړیوالو له نظره اوس هم افغانستان کې د ترهګرۍ ګواښ پرځای دی،چې دوی یې په اړه وخت ناوخته اندېښنې څرګندوي.

د امریکا متحده ایالت د افغانستان په ګډون له منخني ختیځ اندېښنه لري،چې ځای به یې سیال هېوادونه ډک کړي او ترهګري به وده وکړي.

د یاد هېواد ولسمشر جوبایډن وايي، اوس له سعودي سره پر ګډه کار کوي،چې د ترهګرۍ پرضد یوه ګډه پرانېزي. 

بایډن زیاته کړه:« اجازه را کړئ! په واضح توګه ووایم،چې د امریکا متحده ا یالت به له  منځني ختیڅ سره یو فعال او ګډ ملګری پاتې شي. لکه څرنګه چې نړۍ  لا هم سیالي کوي او هغه ننګونې،چې موږ ورسره مخ یو، ډېرې پېچلې دي.  دا ماته واضح شوې،چې د امریکامتحده ا یالتو غوښتنې څومره د منځني ختیځ له بریاوو سره نږدې دي. موږ به لرې لاړ نه شو  او داسې تشه به پرې نږدو،چې چین، روسیه یا ایران يې ډکه کړي. موږ به  هڅه کوو،چې اوس مهال د امریکامتحده ایالتو د مشرتابه لپاره فعال اصول رامنځته کړو.» 

د سیاسي چارو کارپوهان وايي، د افغانستان اسلامي امارت د امریکامتحده ایالتو ته د سولې په هوکړه کې د دې ډاډ ورکړی دی،چې د افغانستان خاوره به د چا پرضد ونه کارول شي،خو نړیوال اوس هم پر اسلامي امارت باور نه لري او هڅه کوي،چې افغانستان او سیمه کې د بیا ښکلیتا لپاره ترهګري پلمه کړي. 

دوی وايي، په منځني ختیځ کې د امریکا متحده ایالتو او سعودي عربستان ټلواله کولای شي،پر نړیواله کچه د وسله والو ډلو مالي امکانات محدود کړي او دا به پر افغانستان مثبت اغیز وکړي.

د دوی په وینا د خلیج هېوادونو له اړخه افغانستان کې وسله والو ډلو ته مالي امکانات برابریږي.

د سیاسي چارو کارپوه اجمل سهیل وايي:« ځینې بډایه هېوادونه،په منځني ختیځ کې دي،چې له  وسله والو ګروپونو سره په بې سارې توکه مالي مرستې کوي. کله چې د امریکا متحده ایالات او سعودي عربستان د خلیج هېوادونو څانګې سره همغوي کېږي،د هغوی مالي امکانات وچوي او له منځه یې وړي. دا به پر نړیواله کچه پر ترهګرۍ باندې خورا اغیز وکړي،په ځانګړې توګه افغانستان کې چې داعش خراسان څانګه او القاعده په کې دي، دوی زیات امکانات له خلیجي هېوادونو ترلاسه کوي.» 

د افغانستان اسلامي امارت او سعودي عربستان ترمنځ اړیکې هم ښې نه دي،خو په لومړي ځل افغانانو سره د مرستې لپاره د امریکا متحده ایالتو له ریاض سره خبره راپورته کړې او په یوه ګډه اعلامیه کې یې په بشري مرستو ټینګار کړی دی.

کارپوهان وایي، د افغانستان اسلامي امارت کولای شي،په فعال سیاست چې هیڅ لوری ترې اغیزمن نه شي کولای شي،د سعودي عربستان او  د امریکا متحده ایالتو د هغه ایتلاف له مثبتو ګټو برخمن شي،چې  د ترهګرۍ پر ضد یې جوړوي.

د سیاسي چارو شنونکی حکمت الله حکمت وايي:« نړي د ویش لور ته روانه ده. د امریکا متحده ایالتو یکتازي پر نړیواله کچه کمزورې کېږي. چین روس او نور سیمه ییز لوبغاړي خپل موقف او ځای په نړیوال سیاست کې غواړي.  د افغانستان لپاره ترټولو مهم مثبت فعاله سیاست او له ټولو سره یو ډول چلن کول سیاست ده.هېله ده، د امریکا متحده ایالتو نفوذ په منځني ختیځ کې د افغانستان لپاره ترهګرۍ سره د مبارزې په اړه هغه څه اوسي،چې موږ ترې ګټه پورته کړو، نه دا چې بیا د ترهګرۍ قرباني وګرځو.» 

 د امریکا متحده ایالت،چې د نړیوال مشرتوب او سعودي عربستان له اسلامي هېوادونو سره استازيتوب ادعا لري، تر اوسه پورې یې د افغانستان نوی حکومت پر رسمیت نه دی پېژندلی،ؤخو ترهګرۍ سره مبارزه کې ترې هیلې لري.