د کونړ په مرورې ولسوالۍ کې د اوبو یوه ستره زېرمه جوړېږي

د کونړ ولایتي چارواکي وايي، د دغه ولایت په مرورې ولسوالۍ کې د شااوخوا  یو میلیون افغانیو پر ارزښت د اوبو یو ستره زېرمه جوړېږي.

دوی وايي، له دې سره به څه باندې ۲۵۰ کورنیو ته د څښاک پاکې اوبه برابرې شي.

ویل کیږي،چې د اوبو د دغې زیرمې د جوړولو کار د ملګرو ملتونو د ماشومانو ملاتړ صندق (یونیسف) پر مالي ملاتړ پیل شوی دی.

یونیسف، له تېرو څو میاشتو راهیسې په بېلابېلو ولایتونو کې د کرنې او ودانیزو چارو په برخه کې پراخه همکاري پیل کړې ده.