سیګار: د بایډن او ټرمپ مدیریت د افغانستان سقوط لامل شو

د  افغانستان بیارغونې لپاره  د امریکا متحده ایالتو د څار ځانګړې اداره یا سیګار وايي،د امریکامتحده ایالتو د  اوسني او مخکیني ولسمشرانو جو بایډن او ډونالډ ټرمپ ځینې پریکړې د دې لامل شوې،چې جمهوریت سقوط وکړي.

سیګار پخپل تازه راپور کې ویلي، په ۲۰۲۰ او ۲۰۲۱ کلونو کې د دوحې مذاکراتو او هوکړې د افغانستان د تیر حکومت د ژر سقوط لامل شوې.

سیګار د مخکېني ولسمشر محمد اشرف غني د حکومت د سقوط اصلي عاملین په واشنګټن کې واکمنې ادارې بللې دي.

دغه راپور د دوحې د مذاکراتو ترڅنګ د امریکايي ځواکونو وتل هم د سقوط اساسي لامل یادوي.