د دوی په باور حکومت باید له سرپرستې ادارې پر دایمي بدل شي،اساسي قانون او د دولت بڼه دې اعلان شي او همداراز دې سیمې ته د افغانستان د سیاسي ثبات ضمانت ورکړل شي.
د پوهنتون استاد فیض محمد ځلاند وايي:« د سیمي اړوند کنفرانسونه د بیلګې په توګه لکه اوس چې په ازبکستان کې کوم کنفرانس کیږي،دا نه یوازې د افغانستان له سیاسي، ټولنیز او اقتصادي ټیکاو سره مرسته کوي،بلکې له سیمې سره هم مرسته کولای شي،خو د دې کنفرانسونو د ګټې اخیستنې لپاره باید ځینې شرایط موږ پوره کړو،یو له مهمو شرایطو دا دی،چې له سرپرستې ادارې څخه واوړو، دایمي ادارې ته خپل دولت تعریف کړو، اساسي قانون رامنځ ته کړو،سیاسي اجماع ولرو او په لویه کې د
ځينې بیا په دې اند دي،چې دغه ډول ناستې بې ګټې دي او د اوسنیو ستونزو د حل لار حاکمو مشرانو سره ده،چې باید له نړۍ سره د ټولو اسلامي او افغاني ارزښتونو په رڼا کې تعامل ته لاړ شي.
د سیاسي چارو شنونکی توریالی ځاځی وايي:« دا څه غونډې،چې تر نن ورځې پورې د سیمې او هېواد او یاهم د ګاونډیو له خوا نه زموږ د هېواد په هکله ترسره شوي دي،هیڅ کومه مثبته پایله یې نه درلوده.د ازبکستان ناسته به هم بې ګټې وي.زموږ د هېواد د ستونزو د حل لار د طالبانو په لاس کې ده،هغه داده،چې دوی په هر شکل سره چې کیږي، باید د نړیوالوغوښتنې ومني او د ولس مشروعیت ترلاسه کړي.»
له دې وړاندې په سیمه ییزه او نړیواله کچه د افغانستان په تړاو ناستې شوي،چې په ځینو کې یې د افغانستان د نوي نظام استازو ګډون هم درلود او هغه مهال ګټورې یادېدې،خو له ګټو یې لا هم عام افغانان نه دي برخمن شوي.
