اروپايي ټولنې او امریکا افغانستان کې پر ګډ کار ټېنګار کړی

د افغانستان لپاره د اروپايي تولنې ځانګړي استازي توماس نیکلاسن  له خپل امریکايي سیال توماس ویسټ سره  د چهارشنبې پر ورځ د « ۱۴۰۱ کال د عويي پر ۷ مه» په واشنګټن کې لیدلي.

په لېدنه کې دواړو لورو په افغانستان کې پر ګډ کار ټېنګار کړی دی. 

امریکا کې د اروپايي ټولنې د استازولۍ ټویټر پاڼې لیکلي، د افغانستان لپاره د امریکا متحده ایالتو  ځانګړي استازي ژمنه وکړه،چې په سیمه کې به د ټيکاو په موخه بشپړه همکاري کوي.

دواړو لورو ډاډ څرګند کړی دی،چې لومړیتوب یې په افغانستان کې ټولګډونه حکومت جوړیدل او بشري حقونو ته درناوی دی.

اخوا د افغانستان لپاره د اروپايي ټولنې استازي توماس نیکلاسن پر خپله ټویټر پاڼه لیکلي، چې واشنګټن ته یې درې ورځنی سفر له لاس ته راوړنو ډک و او د افغانستان په تړاو یې ډیر پراخ بحثونه وکړل.