نورستان کې د یوه موټر چپه کېدو له امله څلور کسان مړه شوي 

د نورستان ولایت ځايي چارواکي وايي، د دغه ولایت د واما ولسوالۍ په وچ خوړ سیمه کې پرون یو موټر اوښتی دی،چې له امله یې څلور کسان مړه شوي او پنځه نور ټپيان دي. 

دوی وايي، په دغه پېښه کې د واما  پخوانی ولسوال مولوي احمد شاه،چې اوس امنیه قوماندان ټاکل شوی و، له  درې ملګرو سره مړه شوي او پنځه نور ټپیان دي.

ویل کېږي،چې د ژوبلو کسانو روغتیايي حالت نازک دی.