د غفور خېلو سیمې یو بل اوسېدونکی بیا وايي:« له اسلامي امارته مو غوښتنه دا ده،چې زموږ دا ستونزه دې هواره کړي،مخکیني حکومت کې مو ډېرې دروازې وټکولې،خو چا مرسته را سره ونه کړه.»
د پکتیا کلیو پراختیا او بیارغونې ریاست مشر میرزاجان صادق هم یو شمیر سیمې له وچکالۍ سره مخ بللي او ویلي یې دي،چې له مرستندویه بنسټونو سره اړیکه کې دي،ترڅو خلک د څښاک پاکو اوبو ته لاسرسی پیدا کړي.
صادق زیاته کړه:« پلان لرو او موسیسو سره مو هم خبرې کړي،هغه سیمې چې لیرې دي کار ورته نه دی شوی او یا هم له وچکالۍ سره مخ دي. د دوی لپاره باید د څښاک پاکې اوبه برابرې کړو.»
په ورته ډول د پکتیا په یو شمیر ولسوالیو کې هم خلک د وچکالۍ له کبله اندیښمن دي او وایي، د څښاک پاکو اوبو او ځمکو خړوبولو لپاره یې اوبو ته لاسرسی سخت شوی دی.
