ټروډو: ۴۰ زرو افغانانو ته د وېزې ورکولو ژمنه عملي کوو 

د کاناډا لومړي وزیر جسټین ټروډو ویلي، په اوسني وضعیت کې له افغانستان خپل ملګري نه شي اېستلی،خو افغانانو ته د ۴۰ زرو وېزو ورکړې ته ژمن دي.

ټروډو ویلي،تمه لري،چې وکړی شي،په دې حساسو شرایطو کې له افغانانو سره مرسته وکړي او هغه کسان وباسي،چې ژوند یې له ګواښ سره مخ دی.

د تېر حکومت له سقوط وروسته د کاناډا په ګډون ګڼو هېوادونو له افغانستانه د زرګونه کسانو د اېستلو ژمنه وکړه،چې تازه کاناډا ټینګار کړی دی،چې دوی د شااوخوا ۴۰ زرو کسانو اېستلو ته ژمن دي.