دفاع وزارت: هېڅ هېواد باید افغانان باالمثل عمل ته اړ نه کړي 

پر خوست او کونړ ولایتونو د پاکستاني جیټ الوتکو له بمباریو وروسته د افغانستان اسلامي امارت دفاع وزارت ویلي،هېڅ هېواد باید افغانان بالمثل عمل ته اړ نه ‌کړي. 

یاد وزارت  پر خوست او کونړ د پاکستان هوایي ځواکونو برید غیر انساني او ظالمانه عمل وباله. 

د ملي دفاع وزارت ویاند عنایت الله خوارزمي رسنیو ته په یوه لېږلي غږیز پېغام کې ویلي،ملي دفاع وزارت د پاکستان دا هوايي برېدونه غندي او په خبره یې چې هیڅ هېواد باید دوی مقابل اقدام ته اړ نه کړي.

د پاکستان جیټ الوتکو دوه ورځې وړاندې د  خوست او کونړ ولایتونو  هوایي برېدونه وکړل،چې لسګونه کسانو ته یې مرګ ژوبله واړوله.

 پر افغان خاوره د پاکستان برېدونو پراخ غبوګونونه را پارولي او په بېلابېلو ولایتونو کې د یاد هېواد پر ضد لاریونونه شوي دي.

افغانان له اسلامي امارت غواړي،چې د پاکستان د بریدونو پر وړاندې چپ پاتې نه شي او د یاد هېواد پر وړاندې باالمثل عمل وکړي.