د حج او اوقافو وزارت د پېشلمي پر مهال جوماتونو لوډسپيکرونو کې د تلاوت او ترانو غږول منعه اعلان کړل

د افغانستان اسلامي امارت د ارشاد،حج او اوقافو وزارت وايي، له دې وروسته دې د پېشلمي پر مهال د جوماتونو پر لوډسپیکرونو تلاوت، نعتونه او ترانې نه غږول کېږي. 

یاد وزارت ټولو مسجدونو ته لارښوونه کړې،چې له دې وروسته دې د سهار او ماښام اذانونه پر یو وخت وکړي.

یاد وزارت ټولو جوماتونو ته سپارښتنه کړې ده،چې د اذانونو د وخت یووالی دې مراعات کړي او پر یو وخت دې اذانونه وکړي.

یاد وزارت خبرداری ورکړی دی،که څوک له دې امر سرغړونه وکړي،له قانوني چلن سره به مخ شي.