Skip to content
د هند ولسمشر چې ترکمنستان ته په سفر تللی وايي، له ترکمنستاني سیال سره یې په افغانستان کې پر روان وضعیت او راتلونکې خبرې کړې دي.
د هند ولسمشر رام نات کوویند وایي،د سیمې امنیت او ثبات د افغانستان له وضعیت پورې تړلی دی، نو له همدې امله د سیمې هېوادونه هڅه کوي،چې په دغه هېواد کې دایمي ثبات راشي.
کوویند زیاتوي، ترکمنستان او هند په ګډه په افغانستان کې د یوه ټول شموله حکومت ترڅنګ د نجونو د زده کړو او تعلیم ملاتړ کوي او په دې هېواد کې د بشر حقونو رعایت ته ارزښت ورکوي.
هغه پر نړیوالو غږ کړی دی،چې له افغانستان سره دې خپلې بشري مرستې لا ډېرې کړي.
هند او ترکمنستان دغه راز د ټاپي پروژې پر عملي کېدو ټینګار کړی دی او دواړو هېوادونو ویلي، د دغه ډول سترو پروژو د عملي کېدو لپاره د افغانستان ثبات مهم دی.
