د فرشغان سیمې یو بل اوسېدونکی بیا وايي:« که سپین ږیری دی. که عالم دی. که ځوان دی. که تنکی ځوان دی. زموږ خلک دې ته تیار دي،چې هېڅ مخالف ته که داعش دی، که مقاومت دی دلته ځای نه ورکوو او د ناامنۍ اجازه نه ورکوو. له فرشغانه یې وباسو.»
د فرشغان سیمې یو اوسېدونکی وايي:« ان شا الله موږ سل په سلو کې همکار یوو. څوک چې په فرشغان کې تېری کوي، موږ یې پر وړاندې درېږو او هېڅ ډول ستونزه نشته.»
د سیمې د خلکو په خبره چې یاد سړک ورته بسنه نه کوي او باید نورو برخو کې هم ورته خدمات وشي او له نورو سیمو سره یې سیالي برابره شي.
د پخواني حکومت مسولین چې د یادې پروژې د پیل پر وخت یې خبرې کولې وویل،د فرشغان د سیمې خلک له اقتصادي پلوه کمزوري دي،خو د شته دولت تر شاه کلک ولاړ دي او باید د بیا رغونې کارونه ورته تر سره شي.
د لغمان پخوانی والي عبدالحدي واحدي وايي:« د فرشغان اوسېدونکي بېوزله دي. زموږ سیمه کې مو پر ځمکو اوس کار شروع کړی. خلک یې پوره اخلاص او صداقت لري، ځکه دا زموږ خپل نظام دی. »
