Skip to content
د افغانستان اسلامي امارت د امر بالمعروف او نهی عن المنکر وزارت له لوري نن یکشنبه د « ۱۴۰۱ کال د وري پر ۷مه» خپره شوې خبرپاڼه کې، په کابل ښار او اړوند سیمو کې تفریحي پارکونو ته پر یوه وخت د ښځو او نارینه وو پر ورتګ بندیز اعلان کړ او پارکونو ته د ښځو او نارینه وو د ورتګ لپاره یې جلا ورځې وټاکلې.
خبرپاڼه کې ویل شوي، چې یکشنبه،دوشنبه او سه شنبه د ښځو لپاره او چهارشنبه، پنجشنبه، جمعه او شنبه بیا د نارینه وو لپاره ټاکل شوي دي.
خبرپانه کې وړاندې راغلي، چې په ښځې باید پارکونو ته د ورتګ پر مهال شرعي حجاب مرات کړي.
دغه راز په خبرپاڼه کې ویل شوي دي، د ښځو په ورځ پارکونو ته نارینه وو ته د ورتګ اجازه نه ورکول کیږي.
امر بالمعروف وزارت په خبرپانه کې زیاته کړې،چې نظامیان باید پارکونو ته له وسلې او یونیفورم پرته ولاړ شي.
یاد وزارت همدارنګه د پغمان درې، شکردرې، استالیف او نورو سیمو ته د تفریح لپاره له تلوونکو کورنیو څخه غوښتي چې په یادو ځایونو کې شرعي حجاب مراعت کړي او له پردیو خلکو څخه ځانونه وساتي.
