لاینز: ډېری هېوادونه له اسلامي امارت سره همکارۍ ته لېواله دي

د افغانستان اسلامي امارت کورنیو چارو سرپرست وزیر سراج الدین حقاني د سه شنبې پر ورځ د « ۱۴۰۰۰ کال د کب پر ۲۴ مه» د ملګرو ملتونو عمومي منشي له ځانګړې استازې دیبورا لاینز سره کتلي دي.

لېدنه کې لاینز په ملګرو ملتونو کې د افغانستان په اړه وروستۍ ترسره شوې ناسته ګټوره بللې او ویلي یې دي، ډېری هېوادونه له اسلامي امارت سره همکارۍ ته لېواله دي.

دغه راز لاینز  د بشري مرستو او بهرنیو ملاتړ کوونکو د راجلب کولو ترڅنګ د نشه یي توکو د کښت او قاچاق د مخنیوي لپاره د کډ کار پر دوام ټینګار کړی دی.

د کورنیو چارو سرپرست وزیربیا  د ملګرو ملتونو استازې ته د بهرنیو سازمانونو د امنیت خوندېتوب ډاډ ورکړ او وايي، اسلامي امارت له نړۍ سره ښې اړیکې غواړي.