والسټرېټ ژورنال: چین له افغان حکومت سره د مس عینک کان پر  کېندنې خبرې کړي

والسټرېټ ژورنال په یوه تازه راپور کې ویلي، چین غواړي په افغانستان کې  د مسو ستر کان کېندنه وکړي او په دې اړه چینایي لوري له افغان حکومت سره خبرې پيل کړي او هڅه کوي ژر د دغه کان د کېندنې چارې پیل کړي. 

د یاد ژرونال په راپور کې ویل شوي، کېندل  شوي توکي به د پاکستان له لارې چين ته لېږل کېږي او دا چاره د رېل پټلۍ جوړولو ته اړتیا لري.

چین همدا راز د هېواد په شمال کې د ګازو او تېلو پر کېندنه هم کار پيل کوي او هڅه کوي، چې په دې تړاو خپلې هڅې لا چټکې کړي.