امریکا د افغانستان درې نیم میلیارده ډالر خیریه بنسټونو ته نه ورکوي

د افغانستان اسلامي امارت بهرنیو چارو وزارت وايي، د امریکا متحده ایالتو  له خانګړي استازی وېسټ سره د امیر خان متقي په لیدنه کې هوکړه شوې،چې دغه پیسې به په هیڅ صورت خیریه موسسو ته نه ور کول کیږي.

د امریکا  متحده ایالتو ولسمشر جوبایډن  تیره فبرورۍ میاشت د یوه فرمان په لاسلیک سره د افغانستان له کنګل شویو پیسو درې نیم میلیارد دالر ازاد او د بشري مرستو په هدف یې خیریه موسسو ته د ورکولو اعلان وکړ.

خو تازه د ترکیې انتالیا فورم له ناستې وروسته پریکړه دا شوې،چې

د  افغانستان د کنګل شوو پیسو له جملې درې اعشاریه پنځه میلیارده ډالر چې د امریکا محکمې یې په اړه پرېکړه کړې ده،خیریه موسسو ته دې نه ورکول کیږي.

له بل لوري  دافغانستان لپاره د امریکا متحده ایالاتو ځانګړي استازي توماس وسټ هم ویلي، د انتالیا فورم ناسته کې یې له طالب استازو سره د افغانستان د ثبات، د اقتصادي ودې،زده کړو او سوداګریزو هوايي پروازونو په اړه خبرې کړي دي

ویسټ پر خپله ټویټر پاڼه ټول افغانستان کې د پوهنتونونو له خلاصېدو هر کلی کړی دی.