د خوړو نړیوال پروګرام: په افغانستان کې ۹۵ سلنه خلک پوره خواړه نه لري

د ملګرو ملتونو د  خوړو نړیوال پروګرام په افغانستان کې د فقر او ولږې د زیاتیدو خبرداری ورکړی او وایي،د افغانستان ۹۵ سلنه وګړي پوره خواړه نه لري.

یاد پروګرام زیاتوي، په هرو ۱۰ عاید لرونکو کورنیو کې، د ۸ کورنیو عاید د پام وړ ټيټ شوی،چې تر ټولو ډېر زیان د کابل اوسېدونکو ته اوښتی دی.

د خوړو نړیوال پروګرام په خبره، د لوږې له زیاتیدو سره په افغانستان کې د خوار ځواکۍ کچه هم لوړه شوې ده.

دا په داسې حال کې ده،چې په وروستيو کې هره اوونۍ ملګري ملتونه افغانستان ته د  ميليونونو ډالرو بشري مرستو د لېږد خبر ورکوي.