د افغانستان لپاره د امریکا متحده ایالتو د بهرنیو چارو وزارت ځانګړي استازي توماس وېسټ د امریکا سولې انستیتوت ته د خبرو په مهال ویلي،افغانستان کې د یوه دایمي ثبات، ټول شموله حکومت او تل پاتې سولې غوښتونکي دي.
وېسټ ویلي، د ټولې نړۍ او سیمه ییزو قدرتونو اجماع پر دې ده، چې د افغان حکومت په رهبرۍ کې ټول افغانان خپل ځانونه وویني او تر څنګ یې نوی حکومت د نړیوالو هېلې د یوه با ثباته افغانستان د جوړولو لپاره پوره کړي.
نوموړی زیاته کړې، نوی حکومت دې د امریکا د ۲۰۰۱ کال تېروتنه نه تکراروي،چې هغه مهال یې طالبانو ته په حکومت کې د ځای پر ځای کېدو بلنه ورنه کړه، بلکې ټولو افغانانو ته دې په حکومت کې د ګډون زمینه برابره کړي.
وېسټ همدا راز ویلي، دوی په افغانستان کې د نوي حکومت پر ضد د هېڅ وسله وال خوځښت ملاتړ نه کوي او له متحدو هېوادونو یې هم غواړي،چې داسې کومه تېروتنه ونه کړي.
