د پکتیا شات پر کور د ننه او بهر ښه بازار لري او مچیو لرونکي او پلورونکي یې له کاروباره خوښ دي.
پکتیا کې یو تن شات پلورونکی وايي:« پکتیا غوره شات لري،تر ټولو ښه یې غرني شات دي، ښه بازار لري او ښه خوند هم لري، نور هم بېلابېل ډولونه شته دی.»
پکتیا کې یو بل شات پلورونکی بیا وايي:« له موږ سره پلوڅه، ششوبی او د شاتو نور ډولونه شته دی، دلته یې هم خلک ډېر اخلي او بهرنیو هېوادونو ته یې هم استوي.»
د شاتو مچیو روزونکي وايي،که کرنې وزارت یې په ټولییز ډول ملاتړ وکړي،د شاتو په تولید کې لا زیاتوالی راتللی شي.
د شاتو مچیو یو تن روزونکی میرویس وايي:«که د شاتو له فارم لرونکو سره حکومت همکاري وکړي، دا تولید نور هم لوړیدای شي . همدا راز به ګڼو نورو هېوادونو ته هم صادر شي.»
د کرنې او اوبو لګولو ریاست بیا وايي،په پکتیا کې یې د شاتو مچیو روزونکو ټولنه یې رامنځته کړې،چې ۱۸۰ تنه یې غړیتوب لري او دوی یې هر اړخېز ملاتړ کوي.
