د کانونو او پترولیم وزارت د ننګرهار نفرایټ ډبرو دوه کانونه په قرار داد ورکړل

د  کانونو او  پطرولیم وزارت د ننګرهار ګوشتې ولسوالۍ او خاص کونړ کې د نفرایتو دوه کانونه کورني شرکتونو ته په قرارداد ورکړل.

دغه کانونونه چې شمېر یې څلور ته رسېږي،درې یې به ګوشته او یو یې په خاص کونړ کې موقعیت لري چې دوه هغه یې د ازادې داوطلبۍ له مخې دوه کورني شرکتونو ته په قرارداد ورکړل شول.

 د یاد وزارت ویاند  عصمت  برهان وايي،د نفرایټ ډبرو د یو کان في ټن په یو اعشاریه شپږ میلیونه افغانۍ او بل هغه یې په یو اعشاریه پنځه میلیونه افغانۍ ورکړی دی.

 برهان وايي:« ۲۶ شرکتونو ګډون کړی وو،چي د کانونو وزارت له لوري ۱۴ لکه افغانۍ د في ټن نفرایت قیمت ټاکلی وو،چي یوازي دوه شرکتونو د کانونو وزارت د نرخ مطابق ګټونکي شوي اودوه نور شرکتونه چي نرخونه یې ټیټ وه خبري رواني دي.» 

د کانونو او پطرولیم وزارت سرپرست شهاب دین دلاور ګټونکو شرکتونو ته د کان کیندنې پرمهال د ډاډمن امنیت ډاډ ورکړ.

دلاور زیاتوي:«موږ شرکتونو ته د امنیت په برخه کي ډاډ ورکوو او غږ ورباندې  کوو،چي چاته بډې ورنه کړي.»

د کانونو وزارت خبرداری ورکړ،هغو کسانو سره به جدي چلن وکړي،چې د نفرایت ډبرې قاچاق کوي او له ګټونکو شرکتونو یې غوښتنه وکړه،چې د قرار داد له لاسلیک وروسته راتلونکې اوونۍ کار پیل کړي.