فراه کې له خلکو د دیني عالمانو غوښتنه؛ پر خپلو ماشومانو تعلیم وکړئ 

فراه ولایت  په فراه رود والسوالۍ کې له یوې دیني مدرستې د فراغت غونډه کې دیني عالمانو پر عصري او دیني زده کړو ټېنګار وکړ او له خلکو وغښتل،چې پر خپلو ماشومانو باندې تعلیم وکړي. 

دوی د زده کړو پر ارزښت خبرې وکړې او هغه کسان یې  غوره وبلل،چې زده کړې یې کړي دي.

لا  هم د بېلا بېلو ستونزو له امله له شپږم پورته د نجونو ښوونځي او دولتي پوهنتونونه نه دي پيل شوي،چې خلک یې تل د بیا پیلېدو غوښتنه کوي.

د لوړو زده کړو وزارت  چارسمبالي عبدالباقي حقاني څو ورځې وړاندې ډاډ ورکړ،چې ډېر ژر به دولتي پوهنتونونه پيل شي.