د ایران په رسمي بلنه د افغانستان بهرنیو چارو سرپرست وزیر مولوي امیرخان متقي پر مشرۍ لوړی پوړی پلاوی ایران ته رسیدلی دی.
د بهرنیو چارو وزارت مرستیال ویاند حافظ احمد پرخپله ټویټرپاڼه لیکلي، ټاکل شوې ده،چې یاد پلاوی له ایراني چارواکو سره پر دوه اړخېزو سیاسي، اقتصادي، ټرانزیټي او د کډوالو اړوندو مسایلو خبرې او بحثونه وکړي.
افغانستان کې د اسلامي امارت له بشپړ حاکمیت وروسته دا لومړی ځل دی،چې افغان پلاوی د ایران په رسمي بلنه تهران ته سفر کوي.
وړاندې تر دې د افغانستان بهرنیو چارو سرپرست مولوي امیرخان متقي په مشرۍ لوړ پوړي پلاوی د ازبکستان، پاکستان، ترکیې او قطر په ګډون یو شمېر هېوادونو ته سفرونه کړي او هلته یې یو لړ هوکړې هم لاسلیک کړي دي.
