برادر خبرداری هم ورکړی،که اسلامي امارت پر رسمیت ونه پیژندل شي، راتلونکې بدې پایلې به یوازې د دوی تر لمنې نه وې محدودې.
برادر زیاته کړه:« که چېرته ونه پېژندل شي،ستونزې به راشي، نیستي به راشي،خو دا نیستي او ستونزې به یوازې د افغانستان لپاره نه وي، دا بیا هم د ګاونډیانو او هم د نړۍ والو لپاره ستونزې زیاتوي.»
د اسلامي امارت لومړي مرستیال دلته د بشري ناورین رامنځته کېدل رد کړل او زیاته یې کړه،چې روان بد اقتصادي وضیعت یوازې پرافغانستان د امریکا له خوا د لګېدلو بندیزونو له امله رامنځته شوی دی.
برادر وایي، د افغانستان خلک زغم لري او له دې نه یې په کراتو سخت وضیعت کې ژوند کړی دی.
هغه وايي:« زه اوس خبره وکړم،بشري حقونو ته امریکا درناوی نه لري او که یې موږ نلرو. دوی افغانستان په کوم حال پرېښود. دا اوس د اشرف غني لپاره دا پیسې راغلې وې او که د افغانستان د ملت لپاره راغلې وې.»
ملا عبدالغني برادر د اسلامي امارت پر ضد د مقاومت جبهې په تړاو وویل، داسې هېڅ ډله نه شته دی،چې ان د افغانستان د یوه کلي نیولو وس دې ولري.
