اسلامي امارت د وروستیو اورښتونو له امله په هېواد کې بېړنی حالت اعلان کړ

د اسلامي امارت د طبیعي پېښو پر وړاندې د چمتوالي وزارت ویلي،وروستیو اورښتونو او احتمالي خطرونو له امله یې سر له ننه بېړنی حالت اعلان کړی دی.

یاد وزارت ویلي، په ولایتونو کې یې خپلو اړوند ریاستونو ته د تیارسئ امر کړی دی.

دغه وزارت ډاډ ورکوي،چې بېلا بېلو ولایتونو ته یې مرستې رسولي او پر اړمنو خلکو به یې د وېش بهیر پيل شي.

په ۳۲ ولایتونو کې له تېرو څو ورځو راهیسې اورښتونه پيل شوي،چې په ځینو ولایتونو کې یې یوشمېر خلک هم مړه کړي دي.

اوس هم په بېلا بېلو ولایتونو کې ورښتونه دوام لري،چې د نورو سېلابونو او واورې ښوېدنې اندېښنې شته  دی.