د کابل په درالامان سیمه کې د چهارشنبې پر ورځ د « ۱۴۰۰ کال د مرغومې پر ۸ مه» سلګونه کسانو د امریکا له خوا د افغانستان کنګل کړې شتمني د نه خوشې کولو په غبرګون کې لاریون وکړ.
لاریون کوونکي،چې له دارالامان ماڼۍ څخه تر دهمزنګ څلور لارې لاړل او شعارونه یې ورکول، پرر امریکا یي غږ وکړ،چې د افغانستان کنګل کړې شتمني دې خوشې کړي.
لاریون کوونکو له نړیوالو وغوښتل،چې خپل حکومتونه وهڅوي،ترڅو پر افغانانو لګول شوي بندیزونه لرې کړي.
دوی له نړیوالو بنسټونو هم وغوښتل،چې افغانستان سره د داسې دلایلو پر بنسټ چې پایله یې یو بل ناورین کېږي چلن غوره نه کړي او د افغانستان په اړه له افغانانو سره مستقیمې خبرې وکړي.
لاریون کوونکو له اسلامي امارته هم وغوښتل،چې د خلکو د اساسي حقونو او انساني کرامت ساتنه وکړي او په دې اړوند خپل احکام په ټول هېواد کې له کوم توپیر پرته عملي کړي.
