د یاد نهضت مشر احمد نور واقف ناسته کې د وینا پر مهال وویل،له اسلامي امارت سره هر ډول همکاریو ته چمتو دي او د دیني علماوو پر یووالي،د دیني زده کړو پر ودې او پراختیا،د ښې حکومتولۍ په رامنځته کولو او د ظرفیتونو پر لوړولو ټینګار کوي.
واقف زیاته کړه:« د افغانستان نهضت العلماء پنځه اصول چې د اسلام منځګړتوب، ټولنیز عدالت، زغم او مشوره دي، له اوسني سیاسي وضعیته د وتلو اغیزمنه لاره ګڼي او له خپلو تجربو په دې برخه کې د افغانستان اسلامي امارت سره هر راز همکارۍ ته چمتو دی.»
د ناستې ګډونوالو په خپلو خبرو کې وویل، باید د نورو اسلامي هېوادونو د پرمختګ لاملونه وارزول شي او د افغانستان بیا رغونه کې ترې کار واخېستل شي.
ویناوالو د اندونیزیا هېواد یادونه وکړه،چې له سختو ازموینو بریالی ووت او اوس د اسلامي نړۍ له پرمختللو هېوادونو دی.
د نهضت غړی ډاکتر سلیمان نثاري وايي:« اندونیزیا په ۱۹۴۷ کې فکر کوم له هانډ څخه خپلواکي واخیسته او څو ژبې یې درلودې،هغه چې موږ یې دلته لرو او له هغې وروسته ټول کیناستل او مشوره یې وکړه،چې څنګه کولی شو، پرمختللې اندونیزیا جوړه کړو،هغه چې نن په نړۍ کې د اسلام استازولي کوي.»
د اسلام دین د حریم ساتنه،د اسلامي زده کړو عامول،د نظرونو توحید،کار اهل کار ته سپارل او د ظرفیتونو لوړول نور هغه موارد وو،چې یاد نهضت یې پر عملي کولو ټینګار لري.
