هند افغان  محصلینو ته ۴۵۰ بورسونه ورکړي

په هند کې افغان سفارت ويلي، افغان سفیر فرید ماموندزي د هند کلتوري اړیکو شورا له نوي  مشر سره کتلي او هند کې د افغان محصلینو ستونزې یې ورسره شریکې کړې دي.

یاد سفارت ويلي، د روان ۲۰۲۱ او ۲۰۲۲ تعلیمي کلونو لپاره د هند په داخل کې افغان محصلینو ته ۴۵۰ تحصیلي بورسونه ورکړي دي.

په دغه کتنه کې د هند کلتوري اړیکو شورا نوي مشر ویلي، دوی افغان محصلینو ستونزو ته به په راتلونکو میاشتو کې رسېدنه کوي.

اوس مهال افغانستان کې سلګونه محصلین بند پاتې دي،چې ویزې یې باطلې شوي او له نامالوم برخلیک سره مخامخ دي.