چاپېریال ساتنې ادارې خبرداری؛ هغو کسانو سره به قانوني چلن وشي چې د هوا ککړتیا لامل کېږي

د افغانستا چاپيریال ساتنې ملی ادارې له لوري نن دوشنبه د «۱۴۰۰ کال د مرغومې پر ۶ مه»  خپره شوې خبرپاڼه کې پر ټولو دولتي، نادولتي، د خصوصي سکټور تاسیساتو او لوړ پوړیزو ودانیو مالکانو غږ شوی دی، چې د بې کیفیته سون توکو له کارولو دې جداً ډډه وکړي.

خبرپاڼه کې راغلي،چې  د کابل هوا ککړه شوې او دا د  ټولو ګډ مسولیت دی،چې د هوا په پاکوالي کې خپله ونډه واخلي.

 چاپيریال ساتنې ادارې په عین حال کې خبرداری ور کړی دی، چې د هغو کسانو پر ضد به قانوني چلن وکړي،چې بې کیفیته سون توکي کاروي.

د چاپيریال ساتنې ادارې په خبرپاڼه  کې همداراز د یادې ادارې لپاره د نوي سرپرست مشر د ټاکل کیدو خبر ورکړی شوی،خو د هغه نوم نه دی ذکر شوی.