د اسلامي امارت د رئیس الوزرا سیاسي مرستیال مولوي عبدالکبیر د یکشنبې پر ورځ د « ۱۴۰۰ کال د مرغومې پر ۵ مه» کابل کې د بېلابېلو ولایتونو د اهل تشیع له استازو سره لېدنه کړې.
لېدنه کې عبدالکبیر وویل، اسلامي امارت به د شیعه مذهبو د ستونزو حل په برخه کې کوټلي ګامونه پورته کړي.
عبدالکبیر له اسلامي امارت څخه د اهل تشیع د ملاتړ له امله مننه کړې او ویلي یې دي،اسلامي امارت د ټولو ګډ کور او په اوسني نظام کې به ټول قومونه برخه ولري.
نوموړي ویلي، د اهل تشیع غوښتنو او وړاندیزونو ته رسېدنه کېږي او پر هغو به د اسلامي امارت د رهبرۍ په کچه هم بحثونه وشي.
هغه زیاته کړې، د اړتیا په صورت کې به د اړوندو ولایتونو والیانو سره هم اړیکې ونیول شي،چې هېچاته ستونزه نه وي.
