د هېواد پر  درېیو هوايي ډګرونو به رادارسیسټم ځای پر ځای شي

د افغانستان د ملکي او هوایي چلن اداره وايي،  دوی ته هغه درې راداره سپارل شوي، چې په تېرې جولای میاشت کې افغانستان ته راوړل شوي وو او له ډلې یې یو رادار د کابل په نړیوال هوایي ډګر کې د ځای پر ځای کېدو لپاره چمتو شوی دی. 

یادې ادارې پرون ناوخته پر خپله فېسبوک پاڼه لیکلي:« له فرانسې هېواده راوړل شوي رادارونه دوی ته تسلیم شول.»

د سرچینې د مالوماتو له مخې، د دغو رادارونو د نصبولو قرارداد د تالس په نوم له فرانسوي شرکت سره د ۱۱۲میلیون یورو په ارښت لاسلیک شوی دی.

د مالوماتو له مخې، یاد رادارونه به په کابل، بلخ او هرات هوایي ډګرونو کې ځای پر ځای شي.