د ملګرو ملتونو سرمنشي مرستیال مارټين ګریفیټ یکشنبې پر ورځ د «۱۴۰۰ کال د لېندۍ پرر ۲۸ مه» د پاکستان پلازمنیه اسلامي اباد کې د اسلامي همکاریو سازمان ناسته کې د وینا پر مهال وویل، د بانکي سیسټم پیاړتیا سره به نه یوازې افغان وګړي او بانکونه نغدو پیسو ته لاسرسی ولري، بلکې د نړیوالو مرستندویه ادارو چارو کې هم اسانیتاوې راوستی شي.
ګریفټ وویل، دوی به د ملګرو ملتونو سازمان کې راتلونکی کال د افغانستان لپاره د څلور نیم میلیارده ډالرو کلنۍ مرستې غوښتنه هم وکړي.
د ملګرو ملتونو سرمنشي مرستیال په خپلو خبرو کې له افغانستان سره پر بېړنیو مرستو ټینګار کړی او خبرداری یې ورکړی، که له افغانستان سره بشري مرستې ونه شي، نو د دغه هېواد اقتصاد به سقوط وکړي.
